Taranto ieri, oggi, domani ...

“Arsenale! Arsenale!” se lucculàve
(Al vecchio stadio “Valentino Mazzola”)
giovedì 20 agosto 2015

di Tonino Lenti


Era una domenica mattina del 1960, stavamo camminando per via Garibaldi, io e mio fratello con nostro padre, eravamo vicini al mercato del pesce e della frutta, che allora era ubicato nella piazzetta, tra via Garibaldi e via Cariati, oggi giardino. Ad un tratto, una comitiva di persone, non erano "facce" tarantine, colpì l'attenzione di mio padre, che riconobbe subito i giocatori del Torino, erano in Città Vecchia per una passeggiata e nel pomeriggio incontravano il Taranto al "Mazzola", campionato di serie B 1959/60. Nella comitiva c'erano: Ferrario, Bonifaci, Bearzot, Virgili, Ferrini... Che mio padre ci indicò, è una scena che ancora ricordo.
Ma l'immagine più bella vissuta da ragazzo, è stata la prima partita al "Mazzola" stracolmo in ogni ordine di posto, campionato serie C 1962/63 Taranto-Siracusa 1-0, sulla gradinata "Arsenale! Arsenale!" se lucculàve, avevo quasi dodici anni.

Cordiali saluti
Tonino Lenti

**********



“Arsenale! Arsenale!” se lucculàve



“Frà, vògghie cu avènghe purije a’u campe”,
dicìve a fràdime ’na dumèneche matine,
tenève ùndice-dùdice anne
jèvene le prime anne sessande,
fù ’a prima vòte ca trasìve
a’u “Mazzole” ’mbonde a Cesare Battiste. (1)

Jève ’u Tarde de
Orlande, Martinelle I, Pontrelle,
Cione, Piovanelle, Colomban,
Martinelle II, Bonfrate, Erbe, Marange e Ferrulle.
Vincèmme 1- 0 c’u Siracùse e signò Erbe su rigore,
e da tànne ca ’u core à divendàte rossoblu.

’A gradenate spetterrave de tifùse
tutte ’mpiede ’nzeccate une a ll’òtre,
sott’a ll’acque, c’u sole o cu le burrate
“Arsenale! Arsenale!” se lucculàve, (2)
dùdice-trìdecimile spettatore cu’a
serène, ch’a càreche sunàve. (3)

E azzettate a ffianche a’ panchìne
cè spàsse Giuanne ’u massaggiatore, (4)
dave ’u rìtme muvènne le vrazze
quanne “Ar-se-nale! Ar-se-nale!”
su’a le gradùne du Corvisea (5)
’u popole Rossoblu lucculàve.

E cce se le scorde tand’òtre
viecchie sciucatùre, c’honne
date ’u core pe st’andìca maglie,
mm’avènene a mmènde:
Manzelle, Di Serie, Biagiole, Ferrarese, (6)
Bandine, Napuliòne, Aldinucce, Benette.

E tand’òtre fedelissime c’honne sudate
’a maglie su’a quidde vecchie campe,
ca da uagnòne hagghie vìste sciucàre.
O ijève bianche a striscie rossoblu
o totta blu cu collètte rosse, sempre
“Arsenale! Arsenale!” se lucculàve.

’Mbèce mò le tifùse, anze l’ultràs,
a cume se chiamene mò
chidde d’a Curva Nord,
stonne attaccate a’ carte du pepe,
cce ’a maglie jè celèstre, subbite
’u strisciòne de prutèste ’mbàcce a’ Curve,

“No ’nge lucculàme òsce nuije a’u campe”, (7)
’u pìcce de le piccinne d’a mènne,
o mannene ’u cumunicàte a Gianne Sebbastie,
ca no ’nge le vèije maije contre,
forse piccè l’honne dedicàte ’u cartellòne:
“ Gianni Sebastio 13° uomo in campo”.


Se facèvene pure tànne le prutèste, ma none
cume a mò, ca n’honne fatte ’a fèste, (8)
à succèsse parècchie vòte, ca ’u Pierìne
d’a situaziòne, ha marcàte ’a rèzze, (9)
e ’nquarche mmulte e partìte a campe neutre (10)
ne le scè facèmme, a ’ttruzzelùne cu l’abbonamènde.

Da quanne honne sbunnate a rèzze
a Tarde - Massese, no ’nge ne putìme
a recòghiere chiù, stè paijame care stu tradimiende.
Le capuzzùne da leghe n’honne mìse ’a croce suse,
cce vòle ’nu “mammasandissime” cu sbrògghie
stà matasse, grazie a’u uaije de l’ultràs.

E quanne vèdene a ’nu nonne a’u campe
le siende dìscere: “Nah vìde addà, nn’occasionàle”,
addò stavene “lore” quanne tand’anne arrète
cu’a bandiere ’nnanze e rrète, scèmme lucculànne
“Tarandò! Tarandò!” ma ’u sàpene ca sìme l’ùrtime
tifùse rèduce du vecchie campe “Mazzole?”

Mò honne cangiate le tiempe, “’u Tarde sìme nuije”
dìscene “lore” e chidde da gradenàte e tribùne
ce sò furastiere? L’abbonàte pure addà stonne.
Nù c’hamme ’ddivendàte nonne, no ’nge sìme
chiù nniende mò, ’a putìme strazze ’a bandiere
ca tenìme astepàte, tande ’u Tarde sò sule “lore”.

Bah… Parlame de fatte serie mò,
tànne cce ’nu sciucatòre se faceve male,
nisciùne trasève da panchìne, o assève fòre
o sciucàve zuèppe-zuèppe fìne a l’ùrtime,
cu’a vòce de “Arsenale! Arsenale!” assieme
a “Franche ’u mute” e “Orlande” su’a gradenate. (11)

E me l’arrecorde quidde campe de terre,
a cume cadèvene ’ndèrre sott’a ll’acque,
’mbanàte cume ’na cotolètte se ’nzeppavene
e tingiùte cume a ’nu ’gnùre pò sciucàvene.
Le porte cu le pale tànne quadràte (12)
e ’u purtiere cu’a maglia nere ca paràve.

E pò hagghie vìste nàscere ’u Salinèlle,
c’u mante verde ’u campe nueve,
fù De Magge ’nu presedènde paijsane (13)
cu le forze suve l’ha ’nzeppate sane-sane,
tutte de tubbe ’nnucènde e taulùne
’a gradenàte, curve e tribùne.

’Nu frastuène quanne ’a càreche se sunàve
se battèvene le piede su’a le taulùne
e le seggiolìne d’a tribùne,
tremàvene a Ttarde pure le squadrùne,
jève l’èpoche de le “Fedelissime” e (14)
du “Gruppe Sportive Din Bar”, cè tifùse!




Cè feste l’anne d’a promoziòne,
campiunàte sessantotte/sessantanòve,
a ggìre ’mmienz’a strade càreche de tifùse
automobile, trè ròte, camiuncìne e furgùne.
Totte Tarde chìne de bandiere e strisciùne
’u Rossoblù su’a le logge, fenèstre e pertùne.

’Nghianàmme ’n serie B a’u poste d’a Casertane
le falche quidd’anne le partite savèrene accattate, (15)
seije punde le levarene a fìne campiunàte,
Mocce, Selme e cumpagne furene castigàte. (16)
Cercarene de affussà a’ mègghie ’a situaziòne,
ma a Ttarde no ’nge fùmme fèsse, scuppiò ’a rivoluziòne. (17)

Fu proprie belle quidde campiunàte,
partite de fuèche cu Lecce, Salernitane,
Putenze, Brindise e Casertane.
Cinchemìle a Lecce ne scèmme tarantine
p’u dèrbe joniche-salendine, se lucculàve
cu ’nu muttète nuève, “Alè! Alè! ’U Tarde addà vincè!”

Scennèmme ’n campe cu ’nu squadròne,
sendìte mò cè bella formaziòne: ’mporte Bertine
poije Bionde e Rondone, Fabbrize, Jannarille e Napuliòne,
Ferrare, Malavase, Pucce, Tartare e Berette.
’U scappa-scappe da ’u campe doppe l’invasiòne,
’nu piùne a Casarin doppe ’u gol de Napuliòne. (18)

Cu quidde belle gol de teste, ammainàrene
a Lecce bandiere, tric-trac e trumbètte.
A botte de pètre ne pigghiarene,
cu ’nquarche ppanocchie e automobile
ammaccate arrivamme a Ttarde,
ma a quidde poste ’a mettèmme a tutte quande.

Cè bella trasfèrte fù pò quedde d’Avellìne
cu ’nu trène speciale partèmme a prima matine,
cu bandiere e strisciùne spannùte a le finestrìne.
Cè lucchele quanne signò Di Stefane,
palla a ccentre e pallòne ind’a rèzze,
ammarisciùte le carciaràte irpìne rète a le fenestre. (19)

Doppe nove anne nn’acchiàme arrète ’n serie B
diciannove anne tenève a’ prima partìte,
vedìve a Romanzine, ’nu gladiatore ind’u campe
e pò mane-mane òtre valiende sciucatùre:
Pelagalle, Colautte, Cimpiel, Aristeije, Morelle,
pàssene l’anne e su’a l’erba verde du Salinelle,

arrivene òtre sciucatùre c’honne lassate ’u sègne,
me le vèche ancore ’nnanze a l’uecchie:
Campidòniche, Cattanie, Paine, Listante, Spanie,
Selvagge, Gore; e pò cu Invernizze ’u mègghie
campiunàte da serie cadètte, cu quindice-vendemìle (20)
spettatore a lucculà e battè le piedde a’u Salinèlle.




Se lucculàve pure quanne scèmme fòre case
trasènne le paijse affacciate a le fenestrìne,
su’a le pulme de Ciccimarre, se cantàve (21)
e se ballave cu l’autiste ca ijastimàve.
Le cuppe-cuppe a le suggètte
e ’u panine ca sprùsce ’ndèrre cu le pulpètte.

’Nu divertimènde ind’u viagge a ogne trasfèrte,
chìdde lundàne sije c’u trène o c’u pulme,
no ’nge se durmève manche de notte
cu pernacchie, muffettùne e quintìne c’u cappotte. (22)
Se trasève ind’a le campe tutte allegre
“Tarando! Tarando!” e lle bandiere a’u viende.

Mm’arrecorde chidde campe de ’na vòte,
’u vecchie stadie d’a Vittorie de Bare, Salerne,
Barlette, Nardò e pò ’u Zaccherije de Foggie,
l’Adriatiche de Pescare, chìdde trasfèrte lundane:
’u Cìbale de Catanie e ’u Bentegode de Verone,
e tand’òtre ca no ’nge m’avènene a mmènde.

Cè se ponne scurdà tande battaglie, c’u Bare,
Lecce, Foggie, Bridise, ijndr’e fòre case,
squadre ca purtàvene appriesse valiende sciucatùre:
Fare, Muijesan, Melline, Di Somme, Materazze,
Pirazzine, Re Ceccone, Sensibile, La Palme e
me ferme aqquà, cè partite!...

E pò le cinch’anne cu Giuanne Fìche,
c’ha ppigghiàte ’a squadre ’n serie B
e addà la lassàte, cè me l’hàgghie scurdàte…
Jè triste sule ’nu brutte mumènde, ind’a chidde annate,
hamme perse a Erasme Iacovòne, ’u numere nove
ch’ancore a Ttarde ’u stè chiangìme.

’Nnanze a l’uecchie me vèche ancore
l’ùrtime ggire ind’u campe d’Erasme
c’u rossoblu accumiacàte, l’acque ca cadève
da ’n ciele e su’a le gradùne du Salenèlle,
chiangènne se lucculàve: “Iaco, Iaco, Iacovòne”,
cu le lacrime, Selvagge, Gore, Fante… Cè squadròne. (23)

E mane-mane tand’òtre presedènde, a cce chìù
a cce mène, honne purtàte ’nnanze stà bbarrache,
campiunàte belle o brutte, se candàve cu le prumuziùne,
ammarisciùte e malesànghe cu le retrucessiùne.
’U presedènde Carelle n’òme de sport,
chìù furtùne cu le cavalle e mène c’u pallone. (24)

“’U cavaliere” Pignatèlle persunaggie folckorìsteche (25)
cu Sand’Andònie sempre a purtate de mane.
Ospite fìsse a’u sciuvedije a “Sportivìssime” (26)
su’a l’emittènde Vidie Levande, cu Gianne Fabbrizie.
Famose fù ’nu dètte ind’a le spogliatoije,
“Cè ’nge vòle l’amàlgame? Accattame pure a quidde”. (27)




’U ’ngigniere Fasane drìtte e stuerte, trè anne
’n serie B se l’ha fàtte, da C ’a squadre la
pigghiàte e addà pòije ne la cunzignàte,
e s’à lavàte le mane. Jève ’u tiempe
de sciucatùre cu le fiòcche: Lopez, DeVitis,
Maiellare, Paolucce, Spagnule, Donatelle.

E pò arrète cu Carelle cu ’na promoziòne
e ’u fallimènde. Sciucàvene tànne
Evangelìste, Ragge, Mazzaferre, Cire Mure
e pò se n’asciùte ’a luce, “Mamme du Carmine”
’a radiaziòne e pe furtùne ind’a le dilettande
hamme vìste ancore ’u pallone zumppanne.

È tànne s’à vìste ’u scàppa-scàppe
de le viecchie e sane tifùse, ognedùne
ha lassàte ’a gradenàte, curve e tribùne,
doppe tand’anne de sbattimiende
passàte su’a chìdde gradùne,
da quanne cu’a bandiere ijèvene uagnùne.

Chiane-chiane pò amme ’nghianàte arrète
ma ’u campe chìne de tifùse no ’nge s’anghiève,
le tiempe de le vendemìle su’a le gradùne
a’u Iacovòne no ’nge se vedèvene chiùne.
E pò à ’rrevate Ermanne Pieròne, n’ha mmìse
“c’u trùcche” ’a serie B ’nnanze a ll’uecchie.

Tenèmme sciucatùre cu le controca…ze
difese, centrocampo e attaccande
ca l’òtre squadre se le sunnavene:
Galeote, Siròte, Di Bitonde, Andrisane,
Giuliane, Cazzarò, Monze, Marziane,
Riganò, Triuzze e l’òtre ancore.

A nù nn’avère fà fèsse ’u Catanie? (28)
Ch’u vè cconde a ’nn’òtre Pieròne.
Stè Tarde ca ne vòle vendètte
pe stù tradimiende, ca no ’nge n’à scìse
ancore abbàscie. Lassò a tribùne ’u traditòre
quanne ind’u campe stè sciucàvene ancore.

Menumale c’arrivate subbite Luigge Bblase
E nn’amme levate da nanze quidde camblacase,
da Mandurie terre du Primitìve
’nu presedende tuèste, forte
cume ’u mègghie vine tarantine,
a’ serie cadètte n’ha purtate vicìne. (29)

Cè coppie Blase-Papagne, a’u Iacovòne
hamme sunnate forte chidd’anne,
cu le sciucàte de Mancine, De Florie
Cejas, Ambrose, Pinne, Mortare, Catanie.
E òtre pilastre de stà bella squadre: Caccavale,
Cosenze, Colombine, Barasse, hagghià cundunuà?




Hagghià parlà pure de D’Addarie?
Ca pe colpa sòije no ’nge hamme
vìnde ’u campiunàte? Le sciucatùre
se facèvene tande ’u mazze e le punde
ca pigghiàvene ind’u campe, ind’a
classifiche se l’acchiàvene mancande.

Piccè quanne arrevave ’u mumènde
du paijamènde a ste uagnùne, no ’nge ijève
maije punduale e a ll’ùrtime pe ste sette punde (30)
castigàte, a serie B nn’amme sciucàte. Hammà
ringraziare a Dionige, Prospere e cumbagne
pe quidde belle campiunàte c’honne fàtte.

E mò arrivame a le giùrne nuestre
cu’a Fondaziòne Taras 706 avande Criste, (31)
tifùse ca mèttene solde a mmonde
pe salvà ’u sciuèche du pallone a Ttarde.
Arrivene dò cangie de mane a le rèdene
da sucietà, ’a dottorèsse Zelatòre e Nardòne.

E cu le gol de Molinàre, Balistrère, Mignogne,
Clemènde, Ciarcià e cumbagnije candande,
su Iacovone se spànne arrète belle ’u rossoblu,
s’avvèrte forte ’a rizzecatòre su’a le carne.
Ma jè distìne a Lega Pro manche stà vòte,
Sande Coseme nn’attocche cu ’nu cere pe devòte.

’U mazze de le carte, pò vè spìcce mmane
a ’nu napuletàne, piopò a ’nu salernitàne,
Dumieneche Campitielle, ca porte a le putèije (32)
sazìzze, salàme, presciùtte e murtatèlle.
E quanne a’u mègghie du prugètte ca se facève vande,
s’a svìgne e ne làsse ’mbande a tutte quande.

Tenèmme ’na difèse de fierre’nnanze a’ porte
Prospere, Iboje, Marine e Pambianche,
manche le carrarmàte passavene. E de
le vendequattre gol de Genche hammà parlà?
E addò l’hamme scè ’cchià, Mirarche, Gabriellòne,
Porcine, Cicerelle…c’honne pigghàte ’u larie.

E mò, cume stè càpite da ’nu piecche de tiempe
a stà vanne, “maestre ’a stèsse”, ’u Tarde sènze
ne cape e ne code. Cce sape stà vòte cce ’u facìme
n’ambe siecche, cu ’a coppie “Zelatore-Bongiovanni due”,
o cce pe vùije è mègghie “il ritorno”. Comunque tutte
a bbase d’a tarantinità: Cozze arracanàte, vurpe a’ luciane…

Tutte cucina paisane “low cost”, ristorande no ’nge jè
pe nuije. Però ind’a ste tratturije, se ijàcchie
a rrobbe bbone. Facìme subbete-subbete però,
ca l’òtre squadre già stonne ffatijene, cce no vè spicce
ca ’u campiunàte l’accumenzàne dope ’a Befàne,
tande hamme fàtte ’u calle ormaije.




’A Lega Pro quist’anne vò cu scènne da sessande a
cinquandaquattre squadre, proprie mò ca tenèmme
’a furtùne cu ne sckaffamme ’mmienze pure nuije.
“Chidde” cu nuije a tènene e cce le scè sbattèmme
’mbacce le turnìse a fùnne perdùte? Assèvene
òtre stùrie pe ne fà rumanèije ’n quarta serie.

No jè ca no ’nge tenìme ’nu sande ’n Paradìse?
Cè stoch’a ddìche? Tenìme a Sande Egidie!
E se vède ca no ’nge jè tifòse du Tarde, ma mò
le manne ’nu messaggie e vedìme cce ’a mètte
’a bbona parole. Jè mmègghie ch’a pigghiàme
a rrìse va… Perdòneme Sand’Egì.

Scherzanne e ridènne, chiudìme stà “amarcord”
ma queste jè sole ’na ’ndìcchie, ne stonne cose
da cundàre! Però no ’nge me putève assè da cape,
’u miedeche e tifòse du Tarde, ’u dott. Uzzi, (33)
’na vite passate su’a panchìne, pronde a trasère
ind’u campe, a cume ’nu sciucatòre l’azzuppavene ’ndèrre.

E apprisse a ijdde, nn’hàgghie vìste massaggiatòre
scappare cu’a valigètte de le medicìne e subbete
cu’ a bombolètte spray sandacose, mettèvene
’mpiede le sciucature. Scènne tand’anne arrète,
me ijèssene da cape: Cacace, Brindàne, Marche, (34)
Fiorìte e pò mane-mane tutte l’òtre.

E ’mprime cu chiude, ’nu recorde belle tènghe
ancore sarvàte e mò v’u dìche,
quanne da uagnòne su’a le gradùne du “Mazzole”,
“Arsenale! Arsenale!” se lucculàve.

Tonino Lenti


Arsenale! Arsenale! Si gridava
____________

1) - Il vecchio stadio Valentino Mazzola.
2) - In quel periodo, per incitare la squadra si gridava, Arsenale! Perché anni prima, la società era formata
dal Taranto e l’Arsenale.
3) - In gradinata un tifoso portava una sirena, che usava al momento di dare la carica alla squadra.
4) - L’indimenticabile massaggiatore Giovanni Greco.
5) - Corvisea il vecchio nome dello stadio Mazzola, prima della tragedia di Superga.
6) - Amalio Ferrarese veloce ala sinistra, nel periodo che ritornò al Taranto dopo due anni.
7) - Sta per, non tifiamo oggi sulla curva, “sciopero”.
8) - Sta per le varie sanzioni che da diversi anni hanno colpito la società, per colpa di “alcuni”.
9) - Sta per aver scavalcato la rete di recinzione.
10) - Diverse partite a campo neutro allo stadio della Vittoria di Bari e al Campo Sportivo di Brindisi, oggi stadio
Franco Fanuzzi
11) - Franco con disabilità vocale e Orlando arsenalotto, due noti tifosi del vecchio Mazzola.
12) - Le porte del campo in quel periodo erano quadrate, poi in seguito furono campiate a forma circolare.
13) - Michele Di Maggio nativo di Fragagnano, il presidente con 11 anni di gestione societaria.
14) - I Fedelissimi di via Leonida e il Gruppo Sportivo Din Bar di Dino Corrente, che organizzavano le trasferte.
15) - Il falco e lo stemma della F. C. Casertana.
16) - Giuseppe Moccia presidente dell’U. S. Casertana e Renzo Selmo centrocampista della squadra, autori dell’illecito.
17) - Venne occupato il Ponte Girevole, con intervento della polizia con lacrimogeni.
18) - Dopo il gol di Napoleoni, un tifoso leccese entrò sul terreno di gioco e prese a pugni l’arbitro Casarin, che
sospese la partita.
19) - Sul vecchio stadio Piazza d’Armi di Avellino, si affacciava un’ala del carcere borbonico, dove i detenuti irpini
dietro le finestre inferriate tifavano per la loro squadra.
20) - Campionato serie B 1973/74, 5° posto con 39 punti.
21) - In quel periodo le trasferte, si facevano quasi sempre con le “corriere” di Ciccimarra.
22) - Nei lunghi viaggi in particolar modo con il treno, alcuni giocavano al quintino o a tresette.
23) - Una formazione che chiuse il girone di andata al 4° posto, guidata da Tom Rosati.
24) - Donato Carelli grande uomo di sport, ha portato l’ippica a Taranto, meno fortunato con il calcio.
25) - Luigi Pignatelli molto devoto a Sant’Antonio, un presidente generoso e noto personaggio “’u cavaliere”.
26) - “Sportivissimo” una trasmissione sportiva su Video Levante, condotta da Gianni Fabrizio il giovedì sera.
27) - Una delle tante frasi divertenti, del presidente Pignatelli, personaggio amato dai tifosi.
28) - Finale play-off Taranto - Catania 2001/2002.
29) - Finale play- off Ancona - Taranto 2007/2008.
30) - Per gli stipendi non pagati in tempo, 7 punti di penalizzazione, che non ci permisero di vincere il campionato.
31) - Il 20 luglio 2012 nasce la Fondazione Taras 706 a. C. gruppo d’imprenditori e tifosi tarantini, che faranno
parte del capitale sociale del Taranto F. C. 1927.
32) - Domenico Campitiello imprenditore nel settore dei salumi, azienda Jomi di Pagani (SA)
33) - Il Prof. Dott. William Uzzi, medico sociale del Taranto calcio per diversi anni e anche presidente, salvando
il Taranto dal baratro.
34) - Alcuni massaggiatori che si sono susseguite nel corso degli anni.